លោកកជំទាវ អ៊ុច និពន្ធ អនុប្រធានគណៈកម្មាធិការសិទ្ធិមនុស្សកម្ពុជា បានអញ្ជើញចូលរួមក្នុងកិច្ចប្រជុំលើកទី៩ របស់ Eurasians Ombudsman Alliance
លោកកជំទាវ អ៊ុច និពន្ធ អនុប្រធានគណៈកម្មាធិការសិទ្ធិមនុស្សកម្ពុជា បានអញ្ជើញចូលរួមក្នុងកិច្ចប្រជុំលើកទី៩ របស់ Eurasians Ombudsman Alliance
ទីក្រុងម៉ូស្កូ៖ លោកជំទាវ អ៊ុច និពន្ធ អនុប្រធានគណៈកម្មាធិការសិទ្ធិមនុស្សកម្ពុជា តំណាងដ៏ខ្ពង់ខ្ពស់ ឯកឧត្តម កែវ រ៉េមី ទេសរដ្ឋមន្រ្តី ប្រធានគណៈកម្មាធិការសិទ្ធិមនុស្សកម្ពុជា បានអញ្ជើញចូលរួមជាអ្នកសង្កេតការណ៍ក្នុងកិច្ចប្រជុំលើកទី៩ របស់ Eurasians Ombudsman Alliance នាថ្ងៃទី៩ ខែតុលា ឆ្នាំ២០២៤ នៅទីក្រុងម៉ូស្កូ សហព័ន្ធរុស្ស៊ី។ ការចូលរួមជាអ្នកសង្កេតការណ៍នេះ តបតាមការអញ្ជើញរបស់លោកស្រី Prof. Tatiana Moskalkova ឧត្តមស្នងការទទួលបន្ទុកសិទ្ធិមនុស្សនៅសហព័ន្ធរុស្ស៊ី។
កិច្ចប្រជុំលើកទី៩នេះ ធ្វើឡើងក្រោមប្រធានបទ “ការការពារសិទ្ធិមនុស្សក្នុងបរិបទសង្គមបច្ចេកវិទ្យា” (Protecting Human Rights in the Context of Digitalization) ដែលមានការចូលរួមពីតំណាង Ombudsman ដែលជាសមាជិកនៃ Eurasians Ombudsman Alliance និងការចូលរួមជាអ្នកសង្កេតការណ៍ពីស្ថាប័នសិទ្ធិមនុស្សជាតិ អង្គការអន្តរជាតិ អង្គភាពរដ្ឋាភិបាល ព្រមទាំងអង្គការសង្គមស៊ីវិល នៃបណ្តាប្រទេសនានាចំនួន ២០ប្រទេស៕
