ឯកឧត្តម ជូ ហេង ដឹកនាំក្រុមការងារចុះពិនិត្យស្ថានភាពសិទ្ធិមនុស្សនៅក្នុងពន្ធនាគារខេត្តព្រះសីហនុ
ឯកឧត្តម ជូ ហេង ដឹកនាំក្រុមការងារចុះពិនិត្យស្ថានភាពសិទ្ធិមនុស្សនៅក្នុងពន្ធនាគារខេត្តព្រះសីហនុ
នៅថ្ងៃអង្គារ ១០កើត ខែផល្គុន បញ្ចស័ក ព.ស. ២៥៦៧ ត្រូវនឹងថ្ងៃទី១៩ ខែមីនា ឆ្នាំ២០២៤ ដោយមានការយកចិត្តទុកដាក់ខ្ពស់ ពីឯកឧត្តម កែវ រ៉េមី ទេសរដ្ឋមន្ត្រី និងជាប្រធានគណៈកម្មការធិការសិទ្ធិមនុស្សកម្ពុជា បានចាត់ឯកឧត្តម ជូ ហេង សមាជិក និងជាអគ្គនាយករងនៃអគ្គនាយកដ្ឋានស៊ើបអង្កេត និងអប់រំសិទ្ធិមនុស្ស តំណាងដ៏ខ្ពង់ខ្ពស់របស់លោកជំទាវ ឆាំ ម៉ារី អនុប្រធាន គ.ស.ម.ក និងជាអគ្គនាយិកា ដឹកនាំក្រុមការងារចុះពិនិត្យស្ថានភាពសិទ្ធិមនុស្សនៅក្នុងពន្ធនាគារខេត្តព្រះសីហនុ។ ក្នុងនោះ ក្រុមការងារក៏បាននាំយកឱសថចំនួន ១៦មុខ ដែលជាអំណោយដ៏ថ្លៃថ្លារបស់ឯកឧត្តមទេសរដ្ឋមន្ត្រី ជូនលោកប្រធានពន្ធនាគារសម្រាប់ប្រើប្រាស់ផងដែរ៕
