ឯកឧត្តម អ៊ិត សានដឹកនាំក្រុមការងារចុះធ្វើការអប់រំផ្សព្វផ្សាយ អំពី “សិ ទ្ធិមនុស្ស និងច្បាប់”
ឯកឧត្តម អ៊ិត សានដឹកនាំក្រុមការងារចុះធ្វើការអប់រំផ្សព្វផ្សាយ អំពី “សិ ទ្ធិមនុស្ស និងច្បាប់”
នៅព្រឹកថ្ងៃពុធ ២កើត ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៦ ខែតុលា ឆ្នាំ២០២២ ដោយមានការយកចិត្តទុកដាក់ដ៏ខ្ពង់ខ្ពស់របស់ឯកឧត្តម កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា បានចាត់តាំងឯកឧត្តម អ៉ិត សាន សមាជិកគ.ស.ម.ក. និងជាប្រធាននាយកដ្ឋានអប់រំសិទ្ធិមនុស្ស តំណាងលោកជំទាវ ឆាំ ម៉ារី អគ្គនាយកនៃអគ្គនាយកដ្ឋានស៊ើបអង្កេតនិងអប់រំសិទ្ធិមនុស្ស ដឹកនាំក្រុមការងារចុះធ្វើការអប់រំផ្សព្វផ្សាយ អំពី “សិ ទ្ធិមនុស្ស និ ងច្បាប់” ជូនដល់សិស្សានុសិស្សនៅ វិទ្យាល័យ ឥន្ទ្រទេវី។
ការចុះ អប់រំ ផ្សព្វផ្សាយ នេះ ធ្វើឡើងក្នុងគោលបំណងពង្រឹងការយល់ដឹងរបស់ប្អូនៗជាសិស្សឲ្យយល់កាន់តែច្បាស់អំពីគោលការណ៍សិទ្ធិមនុស្សជាមូលដ្ឋាន សន្ធិសញ្ញា កតិកាសញ្ញាសិទ្ធិមនុស្សអន្តរជាតិ និងច្បាប់ជាតិដែលពាក់ព័ន្ធនឹងវិស័យសិទ្ធិមនុស្ស។
ក្រុមការងារគណៈកម្មាធិការសិទ្ធិមនុស្សកម្ពុជា បានទទួលការសហការស្វាគមន៍យ៉ាងល្អពីសំណាក់លោកនាយក គណៈគ្រប់គ្រងសាលា លោកគ្រូ អ្នកគ្រូ និងប្អូនៗសិស្សានុសិស្ស ដែលញ៉ាំងឱ្យការផ្សព្វផ្សាយនេះទទួលបានជោគជ័យ។
