ឯកឧត្តម ប៊ុត ផល្លា នាំយកអង្ករ ទៅប្រគល់ជូនសមាគមស្នាមញញឹមថ្មី
ឯកឧត្តម ប៊ុត ផល្លា នាំយកអង្ករ ទៅប្រគល់ជូនសមាគមស្នាមញញឹមថ្មី
ដោយមានយកចិត្តទុកដាក់ខ្ពស់ពីសំណាក់ ឯកឧត្តម កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណ:កម្មាធិការសិទ្ធិមនុស្សកម្ពុជា នៅថ្ងៃសៅរ៍ ទី០៨ ខែមេសា ឆ្នាំ២០២៣ វេលា ម៉ោង៣:៣៩នាទីរសៀល បានចាត់ ឯកឧត្តម ប៊ុត ផល្លា សមាជិក គ.ស.ម.ក និងជាប្រធាននាយកដ្ឋានស៊ើបអង្កត រួមដំណើរដោយ ឯកឧត្តម ប៊ុន ភាព សមាជិក គ.ស.ម.ក បាននាំយកអង្ករចំនួន ១៥០គីឡូក្រាម ទៅប្រគល់ជូន ដល់សមាគមស្នាមញញឹមថ្មី នៃក្តីសង្ឃឹម របស់កុមារ ដែលស្ថិតនៅភូមិក្រសាំង ឃុំជើងកើប ស្រុកកណ្តាលស្ទឹង ខេត្តកណ្តាល ។
គួររំលឹកផងដែរថា ការនាំយកអង្ករទៅជូនសមាគមន៍នេះ ជាការឆ្លើយតបទៅតាមការសន្យារបស់ឯកឧត្តម កែវ រ៉េមី កាលពីថ្ងៃទី១៤ ខែមីនា ឆ្នាំ២០២៣ ក្នុងឱកាសដែលឯកឧត្តម បានអញ្ជើញទៅសំណេះសំណាល និងសួរសុខទុក្ខកុមារ នៅក្នុងសមាគមន៍នេះ។
